Jump to content

Կական Հերմանսոն

Վիքիպեդիայից՝ ազատ հանրագիտարանից
Կական Հերմանսոն
Դիմանկար
Ծնվել էօգոստոսի 7, 1981(1981-08-07)[1][2] (43 տարեկան)
ԾննդավայրQ10602529?, Լունդի կոմունա, Մալմյոհուս համայնք, Շվեդիա[2]
Քաղաքացիություն Շվեդիա
ԿրթությունԿոնստֆակ
ԵրկերIdol 2013? և Sommar?
Մասնագիտությունհեռուստահաղորդավարուհի, ռադիոհաղորդավար, կատակերգու և արվեստագետ
ԱշխատավայրՇվեդիայի ազգային հեռուստաընկերություն
 Kakan Hermansson Վիքիպահեստում

Կարին Սիգնհիլդ Հերմանսոն (շվեդ.՝ Karin Signhild Hermansson, առավել հայտնի է որպես Կական Հերմանսոն (շվեդ.՝ Kakan Hermansson, օգոստոսի 7, 1981(1981-08-07)[1][2], Q10602529?, Լունդի կոմունա, Մալմյոհուս համայնք, Շվեդիա[2]), շվեդ հեռուստահաղորդավարուհի, ռադիոհաղորդավարուհի, կատակերգու և արվեստի գործիչ։

Կենսագրություն

[խմբագրել | խմբագրել կոդը]

Հեռուստահաղորդավարուհու գործունեություն

[խմբագրել | խմբագրել կոդը]

Կական Հերմանսոնը ծնվել է 1981 թվականի օգոստոսի 7-ին Լունդ քաղաքում։ Հայրը` Յան Հերմանսոնը, համալսարանում կրոնի հոգեբանության դասախոս էր։ Ծնողներն աշխատավոր դասից են, 1960-ական և 1970-ական թվականներին մասնակցել են ձախ քաղաքական շարժումներին[3]։

Առաջին անգամ համազգային ճանաչում է ստացել 2008-2009 թվականներին` «ZTV» ալիքի «Locash» կատակերգական սերիալին մասնակցելուց հետո։ Նրա կերպարը՝ Ստոկհոլմի հարավային արվարձաններից մեկի բնակչուհի, հիփ-հոփով զբաղվող Կականը, հիմնված է նրա վրա։ Սերիալն ունեցել է երեք եթերաշրջան[4]։

2010 թվականին Կականը շվեդ մոդել և երաժիշտ Յուլիա Ֆրեյի հետ կազմավորել է «Kaka och Julia» դուետը։ Նրանց կատակերգական տեսահոլովակները մեծ տարածում են ստացել համացանցում, ինչի կապակցությամբ ցուցադրվել են շվեդական «SVT» հեռուստատեսության կենտրոնական ալիքի «SVT Humor» հումորային շոուում[5]։ Ավելի ուշ «SVT»-ն Կականին և Յուլիային առաջարկել է վարել սեփական հեռուստատեսային շոուն` «Kaka på Kaka»: Այս շոուում աղջիկները հարցազրույց են վերցրել տարբեր հայտնի մարդկանցից։ Այն եթեր է հեռարձակվել երկու եթերաշրջան։

Կականը բազմիցս աշխատել է լրագրող Փեր Լեռնստրեմի հետ։ 2013 թվականին եղել է «TV4» հեռուստաալիքով Լեռնստրյոմի վարած[6] «Veckans Svensk» ծրագրի լրահաղորդը, ինչպես նաև «TV4»-ի «Idol 2013» շոուի ժամանակ եղել է նրա օգնականը[7]։ Նրանք նաև միասին շվեդական ռադիոյով վարել են «PP3» հաղորդումը։

2014 թվականի հունիսի սկզբին Հերմանսոնը դարձել է «Sveriges Radio P1»-ի «Sommar i P1» առաջատար ռադիոշոուներից մեկի հաղորդավարը[8]։ Շոուում նրա հայտնվելուն նվիրված մամլո ասուլիսի ժամանակ սկանդալ է տեղի ունեցել։ Կականը «Sveriges Radio»-ի ղեկավարների ընտրության համար խստորեն քննադատել է մշակութային բազմազանության բացակայությունը` ասելով. «Ես խիստ զայրանում եմ այն բանի համար, որ բոլորը, ովքեր այստեղ նստած են, սպիտակամորթ են։ Մենք չենք ներկայացնում (ամբողջ) Շվեդիան», - ասել է նա[9]։ Կականի արտահայտությունը միանշանակ չի գնահատվել հասարակության մեջ. նրան քննադատել են նույնիսկ մշակութային փոքրամասնությունների մի շարք ներկայացուցիչներ, այդ թվում` լրագրող Մուստաֆա Ջանը «Aftonbladet» թերթում[10]։

2016 թվականին Կականին առաջարկել են մասնակցել «Audi Q2»-ի գովազդին, սակայն շուտով «Audi» ընկերությունը ստիպված է եղել դադարեցնել նրա հետ համագործակցությունը։ Դրա պատճառ է դարձել այրատյաց մեկնաբանությունը, որը Կականը Թվիթթերում թողել է 2012 թվականին, և որը 4 տարի անց գրավել է սոցցանցերի օգտատերերի ուշադրությունը[11]։ Այդ միջադեպից հետո ստիպված է եղել ներողություն խնդրել իր անձնական բլոգում[12], որից հետո նրա ներողությունը վերատպել է «Expressen» թերթը[13]։

Ստեղծագործություն

[խմբագրել | խմբագրել կոդը]

Կական Հերմանսոնն ավարտել է «Konstfack»-ը (Ստոկհոլմի արվեստի, արհեստների և դիզայնի համալսարան)։ Որպես դիպլոմային նախագիծ՝ կազմակերպել է նեյլ-արտին նվիրված համաժողով։ Ներկայումս նա հիմնականում աշխատում է կերամիկայի հետ, նրա աշխատանքներն արտահայտում են սեռի, խավի և սեքսուալության մասին գաղափարներ[14][15]։ Կականի աշխատանքների ցուցահանդեսներն անցկացվել են Ստոկհոլմի Նաու թանգարանում և Քրիստիանսթադի քաղաքային խորհրդի թանգարանում. վերջին ցուցահանդեսը տեղի է ունեցել Թվիթթերում այրատյացական գրառման հրապարակման հետ կապված սկանդալից հետո, ինչը Կականին ստիպել է Ֆեյսբուքում ցուցահանդեսի հանրային էջում մեկնաբանությունները փակել՝ մեծ թվով քննադատական մեկնաբանությունների պատճառով[12]։ 2014 թվականի մայիսի 28-ին Հերմանսոնը գեղարվեստական ցուցահանդես է անցկացրել Գյոթեբորգի «West Pride» ԼԳԲՏ փառատոնի ժամանակ[16]։

2013 թվականից Կականը «Կանանց նոր խումբ» (շվեդ.՝ Den nya kvinnogruppen) գեղարվեստական կոլեկտիվի վեց անդամներից մեկն է։ Այն ստեղծվել է` ի պատասխան Շվեդիայի արվեստի ասպարեզում արական սեռի արվեստագետների գերիշխանության[17]։

Անձնական կյանք

[խմբագրել | խմբագրել կոդը]

Կական Հերմանսոնն իրեն նույնականացնում է որպես լեսբուհի, արմատական ֆեմինիստուհի[18].[19] և անարխիստուհի[3]։ Ըստ քաղաքական հայացքների` ձախ է։ Քննադատել է ինքնավար ձախերին այն բանի համար, որ իրենց շարքերում շատ են միջին խավի մարդիկ, որոնց խորթ են աշխատանքային դասի շահերը[3]։

Կականի բնակակցուհին Հաննա Օստրովսկին է (շվեդ.՝ Hanna Ostrovski), որը նրանից մեծ է 6 տարով։ 2018 թվականին նրանց ընտանիքում հայտնվել է տղա, որին լույս աշխարհ է բերել Կականը[20]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 ČSFD (չեխերեն) — 2001.
  2. ↑ 2,0 2,1 2,2 2,3 2,4 Sveriges befolkning 2000 (շվեդերեն) — Sveriges Släktforskarförbund, 2020.
  3. ↑ 3,0 3,1 3,2 Carlsson-Andersson Fredric, Piskin Atilla En knuten näve i fickan: om klass, normer och vänstern. — Malmö: Yelah. — ISBN 978-91-977361-0-7
  4. ↑ «Ta plats – dörrar öppnas». Sydsvenskan (շվեդերեն). Արխիվացված է օրիգինալից 2015 թ․ մարտի 26-ին. Վերցված է 2014 թ․ հունիսի 4-ին.
  5. ↑ «Kaka på Kaka ger tysta röst». Svenska Dagbladet (շվեդերեն). Արխիվացված է օրիգինալից 2013 թ․ հոկտեմբերի 13-ին. Վերցված է 2014 թ․ հունիսի 4-ին.
  6. ↑ «Kakan söker veckans svensk» (շվեդերեն). QX.se. Արխիվացված օրիգինալից 2013 թ․ նոյեմբերի 1-ին. Վերցված է 2014 թ․ հունիսի 4-ին.
  7. ↑ «Per Lernström leder "Idols" comeback – och hon blir ny sidekick». Aftonbladet (շվեդերեն). Արխիվացված օրիգինալից 2013 թ․ նոյեմբերի 1-ին. Վերցված է 2014 թ․ հունիսի 4-ին.
  8. ↑ «Kakan Hermansson kritiserar 'Sommar i P1'». Aftonbladet (շվեդերեն). Արխիվացված օրիգինալից 2014 թ․ հունիսի 3-ին. Վերցված է 2014 թ․ հունիսի 4-ին.
  9. ↑ «"Kakan" Hermansson sågar Sommar i P1» (շվեդերեն). Sveriges Television. Արխիվացված օրիգինալից 2014 թ․ հունիսի 6-ին. Վերցված է 2014 թ․ հունիսի 6-ին.
  10. ↑ «Jag är sjukt svensk». Aftonbladet (շվեդերեն). Արխիվացված օրիգինալից 2014 թ․ հունիսի 6-ին. Վերցված է 2014 թ․ հունիսի 6-ին.
  11. ↑ «Audi avslutar samarbete med Kakan Hermansson». Dagens Industri. 2016 թ․ նոյեմբերի 15. Արխիվացված օրիգինալից 2016 թ․ նոյեմբերի 16-ին. Վերցված է 2016 թ․ նոյեմբերի 15-ին.
  12. ↑ 12,0 12,1 «Polisbevakning på museum efter hatet mot Kakan Hermansson». SVT Nyheter - Skåne. 2016 թ․ նոյեմբերի 19. Արխիվացված օրիգինալից 2016 թ․ նոյեմբերի 19-ին. Վերցված է 2016 թ․ նոյեմբերի 20-ին.
  13. ↑ Karin «Kakan» Hermansson. «Alla människor bär på saker de ångrar», expressen.se, 17 november 2016. Åtkomst den 20 november 2016.
  14. ↑ «Exhibitions 2009– 2013». Gustavsbergs Konsthall. Արխիվացված է օրիգինալից 2016 թ․ մարտի 4-ին. Վերցված է 2014 թ․ հունիսի 4-ին.
  15. ↑ «Kakan och Roxy Farhat tar farväl till män». Svenska Dagbladet (շվեդերեն). Արխիվացված է օրիգինալից 2014 թ․ հունվարի 5-ին. Վերցված է 2014 թ․ հունիսի 4-ին.
  16. ↑ «Kakan Hermansson ställer ut konst under West Pride» (շվեդերեն). Sveriges Radio. Արխիվացված օրիգինալից 2014 թ․ հունիսի 6-ին. Վերցված է 2014 թ․ հունիսի 6-ին.
  17. ↑ «Missionen är att demokratisera konsten» (շվեդերեն). Արխիվացված օրիգինալից 2014 թ․ ապրիլի 28-ին. Վերցված է 2014 թ․ հունիսի 4-ին.
  18. ↑ «Rakt på sak med Kakan Hermansson». Helsingborgs Dagblad (շվեդերեն). Արխիվացված օրիգինալից 2014 թ․ փետրվարի 4-ին. Վերցված է 2014 թ․ հունիսի 4-ին.
  19. ↑ «Moraltestet: Kakan Hermansson». Sveriges Radio. 2012 թ․ ապրիլի 19. Արխիվացված օրիգինալից 2016 թ․ նոյեմբերի 16-ին. Վերցված է 2016 թ․ նոյեմբերի 15-ին.
  20. ↑ KAKAN HERMANSSONS BABYLYCKA MED FLICKVÄNNEN — Stoppapressarna

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Կական Հերմանսոն» հոդվածին։
 ⛭ 
  Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Կական_Հերմանսոն&oldid=9794552» էջից